Српската пејачка Весна Змијанац била примена во Ургентниот центар пред неколку дена, а како што пренесува српски „Курир“ пејачката завршина на операција.
По првата медицинска помош, пејачката била пуштена дома, но поради повторно влошување на состојбата, лекарите ја вратиле во болница на дополнителни прегледи. Бидејќи нејзината здравствена состојба не се подобрила, нејзиниот престој во болница бил продолжен, а според српските медиуми, била оперирана.
Како што открива изворот, Весна била подложена на реваскуларизација на една артерија, а интервенцијата била извршена поради итноста на ситуацијата.
– Лекарите мораа да реагираат и да ја извршат процедурата. Во таа прилика, ѝ беа имплантирани три стентови што го отпуштаат лекот – рекол изворот.
Тој објаснил дека пејачката имала сериозно стеснување, односно блокада на еден од клучните крвни садови на срцето, главното стебло на левата коронарна артерија.
– Со процедурата беше вратен нормалниот проток на крв, што спречува срцеви удари и ја подобрува срцевата функција. Инсталацијата на три стентови укажува дека стеснувањето било подолго или присутно на повеќе места – додал изворот.
Според неофицијални информации, операцијата успешно завршила, а пејаката ќе биде под постојан надзор на лекарите во наредните денови со цел да се следи закрепнувањето и да се спречат евентуални компликации.
