Весна Змијанац одлучи да настапи за празниците, иако пред пет дена имаше операција на срце.
Пејачката беше пуштена од болница на домашно лекување, а веќе донесе одлука да ги изведе закажаните настапи за празниците и да не ги откажува.
Таа ќе пее за Нова година во Нови Сад, а веќе на први јануари во Херцег Нови, и покрај тоа што ѝ беше направена реваскуларизација на артеријата и што ѝ беа поставени три стента.
– Весна одлучи да настапи, иако лекарите ја советуваа поинаку. Секако, нејзиното семејство и најблиските пријатели кои искрено ѝ посакуваат добро не се согласуваат со нејзината одлука, но сите знаеме колку е тврдоглава. Нејзиниот живот е музика, таа се радува на сè – рекла пријателка на Весна за српските медиуми.
Инаку, Весна закажа концерт во Арената следната година, и се радува да помине време со публиката на 14 мај 2026 година.
