Верица Ракочевиќ наполни 78 години, а нејзиниот сопруг Вељко Кузманчевиќ ѝ честиташе преку Инстаграм со посебна порака покрај нејзината фотографија.
„Медо, среќен ти прекрасен ден. Остани засекогаш своја и посебна, поместувај ги границите и уште долго пркоси му на времето и законите на физиката. Те сакам, твојот сопруг“, ѝ порача Кузманчевиќ, со кого е во брак веќе 13 години.
Инаку, нивната љубов предизвикува големо внимание, бидејќи Вељко е 35 години помлад од Верица. Тој неодамна откри како изгледало нивното запознавање и ја раскажа приказната за почетокот на нивната надвременска љубов.
Вељко призна дека Верица првично не ја разбрала неговата порака и веднаш му одговорила одбивачки:
„Тогаш знаев кој е Верица, но не знаев точно дека е креаторка, не знаев детали. Само видов каков настан ќе биде по повод нејзината ревија и помислив дека би било супер да се следи со симфониски оркестар и да биде вистински спектакл. Замислив колку би било прекрасно и ѝ испратив порака на Фејсбук да прашам дали би можеле да соработуваме. Замисли што ми рече: ‘Јас не правам машки модели’. Кога ѝ ја раскажав целата идеја, рече дека тоа би било одлично, и така започна сè“, откри Вељко за ТВ Хајп.
