Уште една историска знаменитост на Италија беше осквернавена од туристи ова лето – Васариевиот коридор, стар 460 години, прекрасен речен коридор поврзан со познатата Уфици галерија во Фиренца, кој беше испрскан со графити на фудбалски навивачи од Минхен.
Васариевиот коридор со должина од еден километар беше изграден од италијанскиот сликар и архитект Џорџо Васари за помалку од девет месеци во 1565 година.
Осомничени се двајца германски туристи од група од 11 студенти кои престојувале во приватно сместување во градот.
„Карабинерите од оперативната единица во Фиренца и од Карабинерската станица Уфици, анализирајќи го видеонадзорниот материјал, успеаја да ги идентификуваат двете лица кои, во 5.20 часот на 23 август го оштетиле исклучително важниот уметнички објект”, изјавија фиренцските карабинери за СиЕнЕн.
Двајцата осомничени, на возраст од 20 и 21 година користеле спреј со боја за да пишуваат на древната структура. Во четвртокот собата во која биле сместени била претресена по наредба за истрага при што се пронајдени два спреја со црна распрскувачка боја и обоена облека.
