Поранешната холандска манекенка Ширли Лили Бекер (47) во интервју за Билд проговори за бурната врска со Борис Бекер (55) и тврди дека шесткратниот победник на Грен слем турнирите сакал да ја уништи. Таа го нарече Бекер „нарцисоиден егоист“, тврдејќи дека за време на нивната врска тој постојано бил неверен.
– Го оставив во 2018 година и никогаш нема да ми прости, оттогаш тој сака да ме уништи. Никогаш не сум се чувствувала толку грдо, старо и непожелно, вели поранешната манекенка.
Потоа решила да оди на Ибица и да се обиде да го заборави Бекер.
-Ја пробав секоја печурка, секој алкохол, секоја дрога на Ибица. Не можев да се опијам доволно за да го заборавам, признала таа.
Таа во интервју за Билд, раскажа и дека останала без пари, но дека сепак отпатувала на Ибица.
– Тој е навикнат да управува и да манипулира со другите. Но, нема да му дозволам да ме замолчи, дури и ако повторно дојде по мене со своите адвокати. Го оставив затоа што повеќе не можев да ги поднесам неговите лаги и лошиот карактер. Не добив одговори на моите прашања… Тој едноставно повеќе не се однесуваше добро со мене, вели манекенката која била во брак девет години со Бекер од 2009 до 2018 година и со кого таа го има синот Амадеус.
