По години молк и бројни шпекулации во јавноста, пејачката Емина Јаховиќ конечно проговори за причините поради кои се разделила од турскиот пејач Мустафа Сандал.
Во искрено интервју, Емина призна дека никогаш не се покајала за разводот.
„Никогаш не ми беше жал што се разведов, и фала му на Бога што така се случи. На жените би им порачала добро да размислат пред да се одлучат на таков чекор, особено ако имаат деца. Понекогаш луѓето сакаат развод поради некои навистина неважни причини“, изјави Емина.
На прашањето дали причините за нејзиниот развод биле „глупави“, таа искрено одговори:
„Нашиот развод не беше ни глуп, ни некоја ненормална ситуација. Никој никого не изневери, ништо лошо не се случи. Едноставно, работите згаснаа. Имав 35 години, и да прифатиш на тие години да живееш во брак во кој нема ни сила ни страст… И не мислам само на физичка страст. Мислам на тоа и двајцата да се трудат подеднакво, да се компатибилни во сè. Кај нас тоа почна да се нарушува. И многу пред официјалниот развод – тоа траеше три години претходно“, откри пејачката во емисијата „Сцена специјал“.
