Актерот Том Круз наводно се обидува да ги одложи датумите на прикажување на „Barbie“ и „Oppenheimer“.
Во филмската заедница познато е дека двата долгоочекувани филма излегуваат во ист ден: историскиот трилер на Кристофер Нолан „Опенхајмер“ и фантастичната комедија „Барби“ на Грета Гервиг
И двата филма премиерно треба да бидат прикажани на 21 јули 2023 година. Ова наводно многу го налутило Том Круз.
Круз ја има главната улога во „Mission: Impossible – Dead Reckoning Part One“, кој треба да започне со прикажување на 12 јули 2023 година, што е нешто повеќе од една недела пред прикажувањето на Барби и Опенхајмер.
Според „Puck News“, Круз им се пожалил на директорите на „Paramount“ дека „Oppenheimer“ ќе го земе секој „екран“ на „IMAX“ во Северна Америка три недели по неговото објавување, што значи дека фановите кои сакаат да го видат неговиот нов филм имаат само девет дена да го видат во „IMAX“ пред сите и пред платното на овој познат премиум формат да го преземе историскиот еп на Нолан.
Седмиот филм од популарната шпионска франшиза постојано се одложува, во почетокот неговото снимање што беше презакажувано поради пандемијата, има буџет од речиси 300 милиони долари, па не е ни чудо што Том Круз бара оптимален период на прикажување за неговиот филм. Фактот дека Опенхајмер излегува толку брзо по седмиот шпионски филм за Итан Хант може да има влијание на бокс офисот, особено со неговото прикажување во IMAX.
Филмот на Том Круз „Топ ган: Маверик“ заработил 110 милиони долари, од вкупно 1,49 милијарди долари, во „IMAX“. Ова илустрира како фановите веројатно ќе сакаат да ги видат акробациите на Круз со кои ѝ пркоси на смртта на најголемиот можен екран, но нема да имаат многу време за тоа ова лето.
И покрај најдобрите намери на Круз, шансите Опенхајмер да биде презакажан за подоцна не се многу реални.
