Пејачката Ребека Јанковска-Ристески се отвори за маката што ја имаат лицата со посебни потреби и нивните семејства, и сподели статус од Зоран Михајлков од Штип кој се соочувал со навреди поради неговиот син, кој е дете со аутизам.
-Тажната приказна на семејствата, лицата со аутизам. И да, децениска борба за промени за подостоинствен живот за нив и сѐ уште ништо-
Лицата со аутизам се дискриминирани и игнорирани. 90% од семејствата немаат никаква поддршка. Тоа се маки големи за кои можеме да ви раскажуваме, но вие нема да сакате да не слушате зашто нема да биде пријатно да слушате.
Кога ќе слушнете ќе нѐ сожалувате, потоа ќе нѐ потапшате по рамо, ќе ни кажете тоа е судбина и ќе ја завртите главата. Нема да дојдете со нас кога се бориме и протестираме да имаме исти права како и вашите.
Нема да мрднете со малиот прст. Ова посебно се однесува на оние стручни лица кои со години земаат сретства од нас и на кои не им одговара да се решат сите овие големи и долгогодишни проблеми како што треба.
Има и меѓу нив прекрасни луѓе , но тие се исклучок. По кој знае кој пат го пренесувам очајот, крикот на овој човек и сите родители кои како него се осудени да пропаѓаат физички, психички, финансиски…
Знам вие кои седите во фотелјите со години не ве допира ништо и не ви е срам,но барем запрашајте се каде ќе ви оди душата по сите ваши гревови- напиша Ребека и ја сподели маката на Зоран Мијалков која можете да ја прочитате ТУКА.
