– Под влијание на СТУДЕНА воздушна маса од север, следува ЗАСИЛЕН ветер од северен правец, кој ќе биде наизразен оваа ноќ и во текот на утрешниот ден, особено долж Повардарието каде повремено ќе достигнува брзина од над 60 км/час.
Облачноста и тоа особено утре попладне ќе се намалува, со што следува ГОЛЕМО РАЗВЕДРУВАЊЕ на времето, па затоа и температурите на повеќе места во понеделник наутро ќе се спуштат под нулата, односно истите ќе се спуштаат во интервалот од -6 до 1 степен. Ќе има појава на слаб до умерен мраз.
Посвеж ден очекуваме утре кога максималните температури ќе се искачуваат во интервалот од 6 до 15 степени во најтоплите југоисточни предели. Потоа температурите ќе бележат тенденција на пораст и ќе бидат релативно ПРОЛЕТНИ.
Нов влажен воздушен бран од запад, пад на температурите и врнежи од дожд и снег на планините ќе има веќе во среда.
Во Скопје исто така во текот на претстојната ноќ, како и утре ќе дува ЗАСИЛЕН северен ветер. Поради разведрувањето во понеделник наутро ќе има појава на слаб до умерен мраз, кога минималната температура ќе се спушти до околу -4 степени. Максималните температури во текот на следните денови ќе се искачуваат во интервалот помеѓу 13 и 16 степени. Пониска максимална температура се очекува утре, и тоа до околу 10 степени – вели метеопрогнозерот Славчо Попоски.
