Во голема исповед, Ава Карабатиќ проговори за работи од својот живот за кои никогаш порано не зборувала, а сакаше да покаже и слика од себе што јавноста никогаш не ја видела.
Tаа се осврна на смртта на таткото Ивица, кој почина во мај оваа година.
– Во овие моменти кога некој ќе ме праша како сум, можам да кажам дека секој ден станувам посилна. Секако болката е голема, раните исчезнуваат, но лузните остануваат. И јас сакам моите лузни да останат, но со текот на времето да стануваат сè полесни и полесни. Секој ден сум среќна и благодарна што го издлабувам својот пат онака како што сакам. Јас сум жена борец која ја остава својата болка и тишина во своите четири ѕида… – вели Ава и додава:
– Тато почина седум дена по мојот роденден во моите раце…
Пред две години, таа започна со лекување од алкохолизам, а сега откри како изгледала нејзината борба.
– Постигнав една добра победа, се излечив од алкохолот и не се откажав ниту во најтешките моменти… Пред две години мислев дека тоа е најлошото нешто, но се покажа дека човек мора да биде благодарен за секој ден… Станав посилна, работев и на себе. Зад мене имам четири реални шоуа, а и петтото… Јас сум некој што ја доби војната и во тоа реално шоу, тоа е единственото реално шоу кога почина татко ми и после тоа навистина ништо не може повеќе да ме разочара во животот. Татко ми беше сè за мене, заштитник, поддршка… Тој беше со мене во сите моменти, дури и во најтешките, кога се борев против алкохолот – вели старлетата.
