Началникот на станицата се соочува со тешки пријави за нарушување на безбедноста во сообраќајот, а за тоа дело му се заканува казна затвор од 10 години до доживотен затвор.
Неколку часа пред сударот на двата воза во Грција, во кој загинаа 57 лица, шефот на железничката станица во Лариса пренасочил приградски воз на погрешна пруга, јавуваат грчките медиуми.
Според тие информации, машиновозачот на приградскиот воз во Лариса го сфатил тоа и ја посочил грешката.
На местото на судирот е пронајдена и „црна кутија“ на еден од двата воза, но се уште не е познато на кој воз му припаѓа.
Медиумите јавуваат дека машиновозачот го прашал шефот на станицата „дали е се во ред“, но тој не му дал одговор.
Шефот на станицата се соочува со тешки пријави за нарушување на безбедноста во сообраќајот, а за тоа дело му се заканува казна затвор од 10 години до доживотен затвор.
Тој се соочува и со обвиненија за повеќекратно убиство од небрежност, како и обвиненија за нанесување телесни повреди.
