Српската пејачка Јелена Томашевиќ и нејзиниот сопруг, актерот и пејач Иван Босиљчиќ, синоќа одржаа концерт во Античкиот театар во Охрид синоќа.
Пред бројната публика, Јелена и Иван приредија музичка вечер во која се испреплетуваа нивните песни, македонските и регионалните евергрини, но и емотивните сеќавања на големите уметници кои повеќе не се меѓу нас. Токму синоќа Томашевиќ и Босиљчиќ со публиката во Охрид прославија и 15 години од бракот.
„Добра вечер, Охрид, на еден навистина посебен ден, кога славиме 15 години од нашиот брак. Затоа ви благодарам што сте вечерва тука, што заедно и прославуваме и пееме, бидејќи велат дека љубовта е најубава кога се дели, а ние вечерва ја делиме со вас. Дами и господа, радувајте се секогаш и секаде! Ние сме многу среќни што сме вечерва овде со вас“, рече Босиљчиќ.
Но Јелена на Инстаграм сподели и една мала непријатност што ѝ се случи додека пееше. На фустанот ѝ застана голема богомолка и Јелена панично се обидуваше да ја тргне. Еден посетител од публиката се обиде да ѝ помогне, но безуспешно. За среќа, како што напиша Јелена „мажот е секогаш тука кога треба“, односно Иван Босиљчиќ ѝ дојде на помош и ја тргна богомолката.
View this post on Instagram
