Актерката Јелисавета Орашанин со години одржува витка и тонирана фигура, а дури и по две породувања, таа е посветена на тренингот за да остане во форма.
Неодамна, таа им покажа на своите следбеници како изгледа нејзиниот интензивен кардио тренинг на лента за трчање.
Јелисавета детално ги опиша интервалите што ги прави за време на тренингот, а судејќи според нејзиниот план, темпото често се менува и бара сериозна кондиција.
– 5 минути со брзина 7-8 џогирање, 45 секунди со брзина 10,5-11, зависи како ви одговара, и 15 секунди со брзина 7-7,5, значи 4 пати.
Сепак, не заврши тука. По првиот циклус, актерката продолжува со уште потешки интервали.
– 30 секунди со брзина 11-11,5 и 30 секунди со брзина 7-7,5, значи 4 пати. 15 секунди со брзина 12-12,5, и 45 секунди со брзина 7-7,5 и така 4 пати.
Овој вид тренинг очигледно ѝ се допаѓа, бидејќи по сè, таа призна дека се чувствува како повторно да е во дваесеттите години.
