Искористете ја сезоната на сливи за посебно задоволство – направете си ликер од сливи.
Од суви или од свежи сливи лесно може да направите вкусен ликер. Доволно е да ги посипете со шеќер и да ги прелиете со ракија и да причекате околу две недели. Некои домаќинки наместо ракија користат вотка или рум, додаваат вино и зачинуваат со цимет, ванила..
Намирници
1 килограм сливи,
1 стапче цимет,
1 кора од портокал,
450 грама кафеав шеќер,
20 грама ванилин шеќер,
4 дл вотка или рум.
Подготовка
View this post on Instagram
Стеризилирајте голем стаклен сад и во него наредете ги сливите, посипете ги со шеќерот, циметот и исечканата кора од портокал.
Потоа, прелијте ги сите состојки со алкохол, поклопете го стаклениот сад и оставете го да отстои 2 недели на сонце.
Претурете го ликерот од сливи во стерилизирани стаклени шишиња, убаво затворете ги и чувајте ги во фрижидер или на ладно место.
На здравје!
