„Русија ќе ги заштити поморските граници на секој начин“. Со новите хиперсонични ракети Русија „ќе може да одговори со брзина на светлината на сите оние кои ќе одлучат да го нарушат нашиот суверенитет и слобода“, вели Путин.
Русија ќе обезбеди заштита на своите поморски граници со сите средства. Рускиот претседател Владимир Путин го најавува ова на парадата на морнарицата во Санкт Петербург, како што пренесува Тасс.
Рускиот претседател со зборови се наврати на поранешната империјална престолнина, го пофали царот Петар Велики што ја направи Русија голема поморска сила, но во целиот свој говор тој ниеднаш експлицитно не ја спомна Украина.
И покрај нападот утринава врз седиштето на Црноморската флота на Крим, Путин сепак учествуваше на прославата на Денот на морнарицата.
Рускиот претседател најави и дека во рок од неколку месеци руската морнарица ќе ги добие новите хиперсонични ракетни системи Циркон, нарекувајќи ги „уникатни во светот“.
„Фрегатата „Адмирал Горшков“ ќе биде првиот носач на хиперсонични ракети „Циркон“, рече Путин, а пренесува Тасс.
Станува збор за моќна хиперсонична крстосувачка ракета.
„Морнарицата на тој начин ќе може да одговори со брзина на светлината на сите оние кои ќе одлучат да го нарушат нашиот суверенитет и слобода“, беше предупредувањето на лидерот на Кремљ.
Новата поморска доктрина на Руската Федерација јасно ги оцртува границите на земјата, вклучувајќи ги Арктикот и Црното Море.Тоа го објасни рускиот претседател Владимир Путин, нагласувајќи дека нивната заштита „ќе биде обезбедена со сила и со какви било средства“.
За време на прославите, Путин објави дека го потпишал указот за одобрување на новата руска поморска доктрина. Во документот, рече тој, „јасно ги разграничивме границите и зоните на виталните национални интереси на Русија, и економски и стратешки. Пред сè, тоа се нашите води на Арктикот, оние на Црното Море, Охотското и Беринговото Море, Балтикот и Курилскиот теснец “.
Лидерот на Кремљ предупреди и дека Русија „цврсто и со сите средства ќе ја гарантира заштитата на овие граници“.
На отворањето на настанот Путин им честиташе на морнарите. Оваа година, над 40 борбени бродови, чамци и подморници од руската флота од северот, Пацификот, Балтикот и Црното Море учествуваат на поморската парада на реката Нева.
