Здравко Чолиќ моментално престојува на Златибор, каде што се обидува да се опорави од стресот што тој и неговото семејство го доживеале по бомбашкиот напад врз нивниот дом на Дедиње.
Пејачот на планината пристигнал директно од Загреб, каде што го затекнала веста за инцидентот. Во овој тежок период со него се неговото семејство и блиски пријатели, со кои се обидува да пронајде мир и да се оддалечи од јавноста.
Иако осомничените за нападот се веќе приведени, Чолиќ одлучил безбедноста да ја подигне на највисоко ниво. Тој ангажирал приватно обезбедување кое дежура пред неговата вила 24 часа на ден. Според извори блиски до пејачот, Чола не сака повеќе ништо да препушти на случајност, па додека тој престојува на продолжен викенд на планина, неговиот дом е под постојан надзор.
Да потсетиме, поради бомбашкиот напад беа уапсени М.А., С.М. и П.С., на кои им е одреден притвор во траење од 30 дена. Според истрагата, С.М. и П.С. се сомничат како директни извршители, додека М.А. наводно бил задолжен за набавка на експлозивните направи. Истрагата покажува дека истиот осомничен обезбедувал експлозив и за нападот што се случи на 20 ноември 2025 година во населбата Палилула.
Случајот и понатаму е во фокусот на јавноста, а истрагата продолжува.
