Ал Пачино не е виновен за ништо, особено не за „хаосот“ што го предизвика при претставувањето на лауреатот за најдобар филм на Оскарите во театарот Долби.
Актерот по хајката што започна против него затоа што ја прекрши традицијата на 96-та церемонија на Оскар со тоа што не ги прочита имињата на сите 10 номинирани филмови, туку само го објави лауреатот, продукцијата „Опенхајмер“ објави дека тоа не го направил на своја рака, туку поради продуцентите на Оскарите.
View this post on Instagram
– Не ми беше намерата да ги изоставам – рекол Пачино, извинувајќи им се на колегите.
Актерот во неделата вечерта имаше чест да го објави најважниот Оскар, оној за најдобар филм, и веднаш штом го отвори пликот со името на лауреатот рече:
– Моите очи го гледаат „Опенхајмер“.
Ниту ги именуваше другите номинирани, ниту беа прикажани инсерти од филмовите, што е вообичаено за Оскарите, а потегот на Пачино ги збуни сите, па дури и екипата на филмот кој беше прогласен за најдобар – „Опенхајмер“.
– Изборот на продуцентите на Оскарите беше да не се повторуваат имињата на номинираните, бидејќи сите беа поединечно истакнати за време на церемонијата. Едноставно го послушав изборот на продуцентите – рече актерот, додавајќи дека е свесен како „номинацијата е огромна пресвртница во нечиј живот“:
– А ако не е целосно признаен, тоа е навредливо и штетно. Го кажувам ова како некој кој има длабоки односи со филмаџиите, актерите и продуцентите, така што многу сочувствувам со оние кои се почувствуваа загрижени од овој превид. Затоа сметав дека е потребно да се огласам…, додаде глумецот.
Зборовите на актерот ги потврди и продуцентката на Оскар, Моли МекНирни, која за „Variety“ откри дека е донесена одлука веднаш да се прочита името на лауреатот, бидејќи „биле многу загрижени за долгото траење на церемонијата“.
– До финалето на доделувањето, сите веќе имаа видено исечоци од десетте филмови кои беа во трка за Оскар. Луѓето само сакаат да слушнат кој ќе победи и конечно да заврши. Барем така мислевме. Така, ние решивме да не ги емитуваме инсертите од филмовите. Исто така, ние не му дозволивме да ги прочита имињата на сите номинирани.
Продуцентката му се извини и на 83-годишниот актер, доколку поради нивната одлука „бил доведен во тешка ситуација“.
– Сето тоа можеби беше малку збунувачки. Но, тоа е возбудата на преносот во живо. Никогаш не знаете што точно ќе добиете!
