Бизнисменот Драган Станковиќ, познат и како поранешен партнер на водителката Јована Јеремиќ, ја запросил својата девојка Александра за време на прославата на неговиот 50-ти роденден.
Големата прослава се одржала во неговата вила во Гроцка, каде што пред присутните гости тој во еден момент извадил прстен и ја запросил избраничката.
Александра рекла „да“, а гостите ја поздравиле нивната свршувачка со аплауз. По овој емотивен момент, забавата продолжила во атмосфера за паметење.
Драган и Александра веќе извесно време се во врска, а со овој чекор решиле нивната љубов да ја подигнат на ново ниво.
На прославата гостите ги пречекала посебна порака поставена на масите:
„Животот не се мери со години, туку со луѓето кои го прават вреден. Ви благодарам што сте вечерва со мене.“
За музичкиот дел од прославата била задолжена пејачката Индира Радиќ.
Пред роденденската забава, Драган Станковиќ зборувал за можноста за брак и за својата врска.
„Не, не, нема да се женам јас! Што вели избраничката? Па, можеби јас и немам многу што да се прашувам! Да уживате сите денес“, рекол тој додека позирал со својата девојка.
За весникот „Блиц“ (Blic) дополнително изјавил:
„Се потрудивме околу сѐ. Ова се првите 50 години од мојот живот, ова се луѓето кои го одбележаа мојот живот. Да имаме здравје и љубов, тоа се желбите.“
И Јована Јеремиќ неодамна најави свадба
Веста за свршувачката на Драган Станковиќ доаѓа во период кога и неговата поранешна партнерка Јована Јеремиќ привлече внимание со најавите за сопствена свадба.
Таа неодамна откри дека ќе се венча со партнерот Милош Стојановиќ, познат како Тигар. Според нејзините најави, венчавката ќе се одржи во манастирот Острог, а прославите ќе бидат организирани на Свети Стефан и во Белград. Сепак, водителката сѐ уште не го открила точниот датум.
