Поранешната девојка на Метју Пери, Кејти Едвардс повика на повторно отворање на истрагата за неговата смрт. Таа се сомнева дека медицинскиот персонал, односно докторите, можеби биле вклучени во смртта на актерот, пишува Мирор.
Да потсетиме дека ѕвездата од серијата „Пријатели“ беше пронајден мртов во џакузи во октомври минатата година. Форензичарите утврдиле дека смртта настанала поради предозирање со кетамин, кој актерот го земал за да се избори со депресијата. Сепак, факт е дека Метју лекот го добил од медицинска сестра која дошла во неговиот дом. Во моментот на неговата смрт, поминаа недела и пол од последната сесија на инфузиона терапија со кетамин, а времето на задржување на кетаминот во телото е три до четири часа. И покрај тоа што Пери го зел лекот од непознат извор, полицијата во Лос Анџелес ја затворила истрагата.
Кејти шпекулира дека Пери можеби платил медицинска сестра да му донесе дополнителна доза лекови, поради што количината на кетамин во неговото тело станала фатална: „Тој можеше да ги убеди луѓето да прават работи за него, велејќи: „Ќе ти ја дадам оваа сума ако молчиш и ќе ми донесеш што ќе ти кажам.“ Според Едвардс, неопходно е да се разгледа можната вмешаност на медицинскиот персонал во трагедијата.
Кејти ја коментираше и неодамнешната изјава на пријателите на Пери дека тој се препуштал на агресивно однесување и физичко насилство кон жените, вклучувајќи го и насилството врз неговата свршеница Моли Хурвиц. „Никогаш не сум го видела Метју да крене рака на некого, па такашто нешто не ми се совпаѓа“, вели таа.
„Се сеќавам на него облечен во чисто и негуван. Имаше дури и цела рутина за нега и убавина. Но, кога ги видов неговите подоцнежни фотографии, сфатив дека се запуштил себеси. Нему повеќе не му беше грижа и се откажа од се“, вели Кејти.
Метју Пери се забавуваше со Кејти Едвардс во 2006 година, во екот на неговата зависност од дрога. Да потсетиме дека актерот долги години страдаше од зависности, вклучително и за време на снимањето на ТВ серијата „Пријатели“. Актерот ги опиша шокантните детали од својот живот во своите мемоари под наслов Пријатели, љубовници и големата лоша работа.
