Легендарната грчка актерка Ирена Папас, позната по култните филмови „З“, „Гркот Зорба“ и „Топовите од Наварон“, почина на 96-годишна возраст.
Смртта ја потврдил портпаролот на грчкото Министерство за култура преку електронска пошта. Тој не ја навел причината за смртта, но во 2018 година беше објавено дека г-ѓа Папас пет години живее со Алцхајмерова болест, пишува Њујорк Тајмс.
View this post on Instagram
Во филмот „Гркот Зорба“ Ирена Папас глумеше грчка вдовица која селаните ја каменуваа поради нејзиниот избор на љубовник. Во политичкиот трилер „З“ (1969) од Коста Гаврас, сместен во грчкиот град Солун, таа ја глуми вдовицата на ликот кој го игра Ив Монтан.
View this post on Instagram
Родена е во 1926 година во Коринт, Грција. Таа остави свој белег во европските филмови во раните 1950-ти. Кога го имаше своето деби во театарот, беше опишана како „прекрасно суштество во едноставен долг фустан со набори, кое се движи величествено и во исто време едноставно, како да оживеала во каријатида (мермерна статуа на жена во архитектурата на античките Грци).
View this post on Instagram
Каријатида како прекар ќе ја следи во текот на целиот нејзин живот. Таа имаше театарска кариера со претставите на Ибзен, Шекспир и класични грчки трагедии, пред кариерата во филмот. Првиот филм го сними во 1948 г. Учествуваше на Канскиот фестивал со својот втор филм во 1951 година и таму доживеа огромен успех.
View this post on Instagram
