Актерот Андре Брауер, кој го гледавме во хит криминалистичката серија од деведесеттите „Убиство: Живот на улиците“, почина на 62-годишна возраст. Брауер кратко време бил болен, а не е познато каков точно здравствен проблем имал.
Ќе остане запаметен по улогата на детективот Френк Пемблтон во серијата „Убиство: Живот на улиците“, која следеше група детективи во полициска станица во Балтимор и се емитуваше од 1993 до 1999 година. За оваа улога тој ја освои наградата Еми.
Се пролави со улогата на војник во филмот „Глори“, а го гледавме и во комедијата „Бруклин 99“, во трилерот „Исконски страв“, во филмот „Get on the bus” и во научно фантастичниот филм „Фрекфенција“.
„Не Можам да верувам дека си замина. Чест беше да те познавам, да се смејам со тебе и да делам прекрасни осум години гледајќи го твојот неповторлив талент. Боли, не напушти прерано. Не научи на толку нешта, секогаш ќе ти бидам благодарен. Ти благодарам за мудроста, љубезноста и пријателството. Ми покажа што е животот кој се живее како што треба“, напиша глумецот Тери Круз со кој Брауер глумеше во серијата „Бруклин 99“.
View this post on Instagram
