Танчарот Гаги Ѓогани отворено зборуваше со српските медиуми за настапите и финансиската стабилност, емотивниот живот и новата девојка.
Уште на самиот почеток, тој истакна дека зад себе има исклучително успешен период кога станува збор за настапите, и дека со Анабела и Френки ги обновил настапите што ги полнат салите.
„Фала му на Бога, сè е во најдобар ред и нека остане вака. Летото беше фантастично, мислам дека имавме најмногу настапи во летната сезона, од мај до септември. Имавме два или три настапи месечно, што е најдобро за нас, но тоа се повеќе концерти, сали и арени. Пред три и пол години, Анабела и јас спонтано повторно почнавме да ги правиме 90-тите во барови и арени. Сега сум финансиски постабилен и задоволен. Што се однесува до новите песни, моментално не подготвуваме ништо конкретно, но постојано работам на нешто. Имаме некои песни во фиоката, па ги слушам, ако е нешто добро и интересно, ќе го објавиме 100 проценти“, открил Ѓогани.
Зборувајќи за својот приватен живот, танчерот откри дека води мирен живот посветен на своето семејство, тренирајќи и работејќи на себе, но и дека е повторно заљубен.
„Водам сосема мирен живот. Немам работно време, поминувам време со моето семејство и внуците. Посветен сум на себе, одам на тренинзи и работам на себе ментално и физички. На емотивен план, се заљубив во последно време! Имам девојка неколку месеци и досега ми оди одлично. Ја запознав со моите ќерки, сите знаат за неа. Најважно за нив е што сум задоволен и среќен, и тоа е тоа“, признал танчерот.
На самиот крај, Гаги се осврна и на здравствената состојба на неговата поранешна сопруга Анабела, која неодамна имаше интервенција на очите, и откри дека и самиот планира да ја направи истата операција.
