Пејачот Милан Станковиќ дефинитивно се повлекува од музичката сцена и утеха и нова љубов пронајде во монашкиот живот.Тој планира да стане искушеник на голем православен празник во манастирот Подмаине во Будва.
Станковиќ токму на манастирската слава на 28 август ќе добие благослов за почеток кон икушеничкиот живот, пишуваат српските медиуми.
Според обичаите и редот во манастирот пејачот ќе облече мантија, повеќе нема да носи конвенционална облека, а колку ќе трае процесот зависи од одлуката на игуменот на манастирот.
Станковиќ е српски кантавтор. Тој се прослави како финалист на телевизискиот пеачки натпревар „Ѕвездите на Гранд“ во 2007 година.
Пејачот стекна поширока слава претставувајќи ја Србија на Евровизија 2010 година во Осло, Норвешка со „Ovo je Balkan“, каде што заврши на 13-то место.
