Боб Ли, 43-годишниот извршен директор кој ја создаде услугата за мобилно плаќање „Cash App“, и еден од креаторите на Андроид, беше избоден до смрт во Сан Франциско.
Технолошкиот магнат беше нападнат во центарот на Ринкон Хил во 2:35 часот, потврди полицијата на Сан Франциско.
Си-Би-Ес Њуз потврди дека Ли бил пронајден со повеќе убодни рани и веднаш бил пренесен во блиската болница, каде што им подлегнал на повредите.
Според извршниот директор на компанијата, Џошуа Голдбард, Ли бил „сила на природата“.
– Боб беше сила на природата. Тој помогна да се роди Android и CashApp во нашиот свет. Моби беше неговиот сон: паричник за приватност за 21 век. Ќе ми недостига секој ден, изјави Голбард за локалните медиуми.
Извршниот директор на Твитер и Тесла, Илон Маск, исто така го коментираше ужасниот инцидент, прашувајќи ја канцеларијата на окружниот обвинител во Сан Франциско што прават во врска со „казнувањето на насилните криминалци“.
