Стана познато што навистина се случува меѓу Џенифер Лопез и Бен Афлек поради гласините за развод. За ова пишува Дејли Мејл.
Актерката и пејачка денес се обидува да го спаси бракот со оскаровецот, велат упатените. А се всушност почнало од „играчка“, односно Џен намерно сакала да се шират вакви гласини со цел подобро да го промовира својот нов албум и новиот филм. Но отишла предалеку. Додека на Бен оваа идеја на Џенифер воопшто не му се допаднала.
Сега изворите тврдат дека Џеј Ло сфатила дека нејзината неспособност да се справи со гласините пласирани на интернет и во таблоидите влијаела на Бен, а парот наводно треба да поработи на ова прашање.
„Џенифер ги остави гласините за раскинувањето да се разгоруваат за време на прес-турнејата за нејзиниот нов филм „Атлас“, бидејќи ако луѓето зборуваат за тебе, тоа може да биде добро за публицитетот“, вели инсајдерот за Дејли меил.
„Но, сега таа гледа дека на Бен тоа не му се допаѓа“, додаде изворот.
Лопез дури и ја откажа својата претстојна турнеја This Is Me…Live, велејќи дека „одвојува слободно време за да биде со своите деца, семејството и блиските пријатели“.
