Водителот и музичар Огњен Амиџиќ неодамна беше специјален гостин на концертот на Емина Јаховиќ во Белград. По настапот, тој ги сумираше впечатоците и се присети на својот покоен пријател и колега Маринко Маџгаљ.
Емоциите кулминирале при изведбата на песната „La Gitana“, која Огњен првпат ја отпеал без Маринко.
„Прекрасно беше на концертот кај Емина. Навираа спомени, многу ми недостигаше Маринко на сцената. Првпат ја пеев таа песна без него,“ изјави Амиџиќ, па додаде:
„Дури се пошегував дека ме викнала затоа што другите не се одазвале. Ме покани и за вториот концерт, но не можев бидејќи имав емисија.“
Потоа проговори и за односот меѓу Емина Јаховиќ и Саша Ковачевиќ – тема за која последните недели кружат гласини дека нешто не е во ред.
„Саша не ми кажал ништо повеќе од она што и самите го слушнавте во емисијата, но јас мислам дека тоа не е ништо сериозно,“ рече Огњен, кој неодамна се врати од заслужен одмор на Златибор со сопругата Мина и синот Перун.
