Последната недела во октомври е резервирана за почетокот на зимското сметање на времето. Ќе ги поместиме стрелките на часовникот еден час наназад. Иако тоа значи дека ќе спиеме дополнителен час, сепак се води дебата дали треба да се укине традицијата на менување на часовникот, односно летното и зимското пресметување на времето. Има повеќе од оние кои се залагаат за летното сметање на времето, наведувајќи ги придобивките што тоа ги има за нашето ментално и физичко здравје и општата благосостојба.
Помалку сообраќајни несреќи
Кралското друштво за спречување на несреќи (RoSPA) повика на крај на зимското сметање на времето, тврдејќи дека поместувањето на часовниците наназад го зголемува ризикот од сообраќајни несреќи поради возење во потемните зимски месеци.
Подобрен имунитет
Добриот сон во зимските месеци е клучен за заштита од настинки и грип. Истражувањата покажуваат дека дури и мало намалување на спиењето може да влијае на имунолошкиот систем.
Помалку депресивни епизоди
Данска студија од 2017 година направена на повеќе од 185.000 луѓе во тек од 15 години покажа дека префрлањето од летно на зимско сметање на времето е поврзано со 11 отсто зголемување на депресивни епизоди.
Намалување на бројот на срцеви удари
Чарли Морли, автор на „Wake Up to Sleep“, цитира студија од 2014 година која објави значителен пад на срцевите удари во 24 часа по поместувањето на часовникот наназад.
