Српскиот пејач Ацo Пејовиќ вчера на прес конференција во Скопје раскажа една уникатна случка од негов неодамнешен концерт во Хрватска. Една неговата обожавателка која е бремена, го замолила да го открие полот на нејзиното бебе, што тој со задоволство го направил.
-Таа ми даде некој плик во рацете, и прво не знаев за што се работи. Ми рече да го откријам полот на нејзиното бебе. Ми рече: „Ацо, твојот нов обожавател е во мојот стомак“. Те молам кажи ни го полот. Но, јас и пред да го отворам знаев дека е девојче зашто дома имам три девојчиња. Секогаш повеќе верувам во жените- рече пејачот кој на 27 декември ќе одржи концерт во Скопје, во Арената „Борис Трајковски“.
Пејовиќ ги изненади медиумите со негова изведба во живо на „Македонско девојче“ но и на два негови хита, а едниот од нив е „За Љиљану“, песна која ја испеа во филмскиот хит „Тома“, за животот на легендарниот пејач Тома Здравковиќ.
-Не сакам однапред да зборувам за гостите на концертот, тогаш не би биле изненадувања – рече Пејовиќ. На прашањето, на што е најгорд изминатава година, тој рече дека тоа се успесите на неговите ќерки. За песните од филмот „Тома“ рече дека му биле голем чекор напред.
-Би сакал и по сто години да ме паметат по тоа. Кога ќе се слушне некоја песна што сум ја испеал во филмот, луѓето да кажат: „Ете, тоа е оној пејач, оној Ацо Пејовиќ“.
Концертот на 27 декември го организира продукција „Балјан медиа“, а Пејовиќ. по четврти пат доаѓа во Скопје пред Нова година.
-Со Ацо имаме посебна конекција уште од кога се запознавме, преку менаџерот Бане Обрадовиќ, тој е еден од нашите најдобри пријатели и соработници – рече менаџерот Кристијан Стефановски.
