„Некои луѓе едноставно го имаат она што не може да се одглуми. Ти си една од нив.“ Вака гласеше еден коментар на фотографиите што ги објави Нина Бадриќ, а многумина се согласија со тоа.
Пејачката во впечатлива сина комбинација изгледаше спектакуларно. Нејзиниот изглед го сочинуваат здолниште кое всушност изгледа како панталони, топ и долги ракавици во најпопуларната боја на сезоната, а целокупниот впечаток го надополнила со елегантна фризура и впечатлив ѓердан.
Нејзиниот моден избор предизвика лавина позитивни коментари, а обожавателите ѝ порачаа дека е „дива“ и „прекрасна“. Поддршка во коментарите ѝ даде и колешката Јелена Розга.
Нина Бадриќ пред својот настап на една од најубавите сцени на Јадранот, тврдината „Свети Михаил“ во Шибеник, со своите следбеници на Инстаграм сподели вест за уште еден распродаден концерт, не криејќи ги емоциите што ги има кон шибеничката публика.
„Третпат распродадена тврдината „Свети Михаил“. Трипати истата љубов, сè посилни емоции и публика која секојпат ми покажува зошто музиката има смисла“, напиша Нина покрај серијата фотографии направени на историската шибеничка тврдина, на кои позира во модна комбинација што привлече големо внимание на социјалните мрежи.
