Познатата пејачка Наташа Беквалац присуствуваше на концертот на Дино Мерлин во Сараево и ги сподели своите емотивни впечатоци од настанот.
„Јас сум негов искрен фан уште од мала и уште тогаш се поврзав со неговите текстови. На концертот плачев половина време, бев во посебен транс. Музиката е универзален јазик на љубовта и ме вознемирува кога во уметноста се мешаат какви било раздели меѓу луѓето“, изјави пејачката.
Запрашана за можноста да соработува со него, таа истакна дека не сака ништо да форсира и ги остава нештата на природниот тек. Покрај ова, Наташа низ насмевка откри и кој е нејзиниот најголем страв поврзан со технологијата.
„Многу би се уплашила кога би го изгубила телефонот. Не поради работите на кои луѓето прво помислуваат, туку поради сите глупости и црниот хумор во нашите приватни разговори. Ако тоа излезе во јавност, тоа би значело крах на мојата кариера“, додаде таа.
