Македонскиот ракометен репрезентативец Филип Кузмановски и неговата сопруга Моника ги одбројуваат последните денови до проширувањето на семејството.
Во пресрет на раѓањето на нивното второ дете, тие направија емотивна семејна фотосесија заедно со нивниот син Матијан.
Парот на социјалните мрежи сподели серија фотографии исполнети со насмевки и нежни моменти, а преку нив открија и дека наскоро ќе станат родители на девојче.
На една од фотографиите е испишана пораката: „Рецепт за сестричка“.
View this post on Instagram
Филип и Моника се венчаа во октомври 2019 година, додека свадбената прослава, поради пандемијата на ковид-19, ја организираа во јули 2022 година.
Нивниот син Матијан се роди на 25 октомври 2024 година, а семејството сега со нетрпение го очекува доаѓањето на нивната ќеркичка.
