Актерката Натали Портман досега одиграла бројни забележителни улоги, а една од најпознатите секако е онаа во психолошкиот трилер „Црниот лебед“.
Со оглед на тоа што глумела балерина, морала напорно да тренира, а подоцна открила низ што сè поминувала подготвувајќи се за улогата на амбициозната Нина Сејерс.
„Обично денот го започнувавме со шест километри пливање, краул и градно. Потоа следуваа два часа балетски вежби и тренинг за сила“, рекла таа, пренесува „Unilad“.
Нејзиниот лик во филмот се подготвува за главната улога во „Лебедово езеро“, а Портман рекла дека напорните тренинзи ѝ помогнале подобро да ја разбере Нина и ина низ што таа поминува.
„Физичката дисциплина навистина ми помогна да ја разберам емотивната страна на ликот. Добивате чувство за начинот на живот на една балерина, кој подразбира само вежбање. Не пиете, не излегувате со пријателите, не јадете многу и постојано го изложувате телото на екстремна болка“, изјавила актерката.
Улогата во „Црниот лебед“, како и напорните осумчасовни тренинзи, одрекувањата и макотрпната работа, ѝ донеле на Натали Портман Оскар во 2011 година.
View this post on Instagram
Инаку, Натали Портман денес повторно е во центарот на вниманието и поради приватниот живот – актерката го очекува своето трето дете, прво со францускиот музички продуцент Танги Дестабл. Таа во април ја потврди бременоста, а неодамна сподели и фотографија со својот труднички стомак.
View this post on Instagram
