Бурата што се крена во Србија откако беше откриено дека Монголката Јелена Егорова ќе ја претставува Србија на изборот за Мис Универзум во Тајланд не е ништо во споредба со скандалот што се случил пред четири години.
Во септември 2021 година, Јелена Егорова открила на социјалните мрежи дека било побарано од неа да сними видео од себе во долна облека под изговор за кастинг за музичко видео, а потоа ѝ се заканувале дека тоа видео ќе го објават на интернет и ќе ја обвинат за проституција.
Уценувачите рекле дека ќе го фотошопираат нејзиното лице на фотографии од голи жени и ќе ги испратат до јавноста ако не им плати. На почетокот им плаќала, но подоцна ги игнорирала, пишува веб-страницата „Конан дејли“, која ги содржи биографиите на учесничките на натпреварот каде што таа ја претставува Србија.
– На почетокот бев преплашена. Им платив, мислејќи дека тука ќе престанат. Но, се разбира, тоа само ги охрабри. Потоа, одлучив повеќе да не реагирам и да не се кријам. Вистината е единственото оружје што го имам – раскажала тогаш Егорова.
Во мај 2022 година, рускиот телевизиски канал НТВ известил за нејзиното искуство како жртва на сексуална уцена од 2021 година во емисија наречена „Интима за пари“.
Рускиот портал „sakhalife.ru“ исто така емитувал емисија за девојки кои се фотографираат разголени, а во неа покажал фотографии од атрактивната Јелена во костим за капење, поради што таа остро реагирала.
– Без мое одобрување, ги зедоа моите фотографии од морето и ги покажаа на цела Јакутија. Никогаш не сум правела непристојни фотографии, ниту сум давала согласност кој било да ме користи во своите програми. Тоа што сум на плажа во костим за капење не значи дека сум разголена жена без морал. Дали би ви било пријатно некој да ги земе вашите фотографии и да ги коментира на телевизија? Ниту мене не ми е. Благодарам барем што ми го замагливте лицето. Живејте го својот живот, бидејќи секој гледа според својата расипаност. Мачно ми е што телевизијата заработува внимание со понижување на другите. Наместо да зборуваат за почит, тие јавно ме изложија на потсмев – раскажала убавицата.
Во 2022 година, таа ја претставуваше Монголија на изборот за убавина „Мис Гранд Интернешнл 2022“ и се натпреваруваше против 67 други натпреварувачки во Меѓународниот конгресен центар Сентул во Западна Јава, Индонезија. Не стигнала до финалето.
Во 2024 година, таа ја претставуваше Монголија на изборот за убавина Мис Блискиот Исток 2024 и се натпреваруваше против 38 други натпреварувачки во Рас Ал Хаима, Обединети Арапски Емирати. Потоа ја освои титулата Мис Земја Блискиот Исток 2024.
На 19 октомври 2025 година, таа беше прогласена за Мис Универзум Србија 2025.
