Партнерката на Огњен Амиџиќ, Мина Наумовиќ, преку социјалните мрежи сподели дел од семејната атмосфера по раѓањето на нивната ќерка Лола, но и на духовит начин „се пожали“ од сопругот, додека јавно ѝ се заблагодари на свекрвата Снешка за неизмерната поддршка.
Популарниот водител, кој на 50 години стана татко по третпат, неодамна го доби второто дете од бракот со Мина. Двојката ја крсти ќерката Лола, а Мина на Инстаграм објави неколку фотографии од нивното секојдневие со бебето.
Таа откри дека постариот брат Перун не ја крие љубовта кон сестричката.
„Перу ја обожава својата сестричка, се смее секогаш кога ќе ја види, ја гали и плаче ако таа плаче“, напиша Мина.
Во продолжение, таа во шеговит тон прокоментира дека со сопругот „можела и подобро да помине“, но затоа добила свекрва од соништата.
„Со мажот можев и подобро да поминам, ама со свекрвата никако! Драга наша Снешка, нека секој ден ти биде прекрасен ден! Фала за сè“, порача Мина, објавувајќи фотографија од мајката на водителот.
Поддршката од мајка му за Огњен има особено значење. Неговиот татко, Зоран Амиџиќ, беше убиен во октомври 1991 година, кога водителот имал само 16 години. Тогаш, како што и самиот има раскажувано, презел дел од обврските во домот и рано созреал.
