Американката Микаела Шифрин победи во слаломот во шведскиот Оре и така го надмина апсолутниот рекорд на легендарниот Ингемар Стенмарк. Шифрин го собори апсолутниот рекорд според победи во Светскиот куп откако триумфираше на слаломот во шведскиот зимски центар.
Така Шифрин ја забележа 87. победа во кариерата со што ја прави најуспешната во историјата во двете конкуренции – женска и машка.
Таа беше најдобра во првото возење, а доминацијата ја потврди во втората и на крајот со 92 стотинки предност дојде до победата (1:41.77). Втора заврши Венди Холденер, а трета Ана Свен Ларсон.
Претходно таа го осигура малиот кристален глобус во слаломот што и е седми во кариерата, а исто така го освои и големиот кристален глобус кој и е петти во кариерата.
По бројот на победи и во машка и женска конкуренција, Шифрин е прва со 87, Стенмарк има 86, следува Линдзи Вон со 82 победи, а четврти е Австриецот Марсел Хиршер со 67 победи.
