Лепа Брена е една од најбогатите жени на естрадната сцена денес, а во една прилика откри дека нејзината животна приказна на самиот почеток на кариерата била далеку од бајка.
– Благодарение на татко ми се заљубив во медицината, но тој факултет ни беше прескап. Затоа решив да се запишам на туризам на Природно-математичкиот факултет во Белград, открива таа.
– Во тој период тешко врзував крај со крај бидејќи животот во голем град беше скап. Не можев да си исполнам некои желби, класични студентски желби, на пример, да одам на екскурзија со колегите.
– Јадев леб и јогурт, а ако сакав нешто слатко, тогаш ќе додадев шеќер – рече Брена во една прилика, а потоа истакна дека во најтешкиот период се вратила во семејниот дом, бидејќи повеќе не можела да ја издржи сиромаштијата.
– Стоев на автобуската станица тажна и очајна. Небото беше сиво со мрачни облаци. Почна да врне, а автобус немаше на повидок. Едно мало куче дојде до мене, ме погледна тажно и се стутка пред моите нозе. Гром блесна и гром удри, и се чинеше дека нешто ми се расчисти во главата. Решив да ја земам судбината во свои раце. Го дочекав автобусот, отидов во станот да се пресоблечам, го зедов куферот и се вратив во Брчко – изјави пејачката за српски „Информер“.
Да потсетиме, деновиве трансформацијата на Брена создаде хаос на социјалните мрежи, а пејачката за првпат не е русокоса во својата повеќедецениска кариера.
