Криглата од која пиел британскиот музичар Ед Ширан на Октоберфест во Франкфурт е продадена во петокот на eBay за 1.960 евра, објави Каи Ман, еден од организаторите на фестивалот.
Најголемата понуда за култната германска чаша за пиво, позната како „stein“, ја дал советот на франкфуртските карневалски здруженија. Парите ќе бидат искористени за финансирање на изградба на ново училиште во Доминиканската Република.
– Ќе земеме ДНК од остатокот од пивото во криглата и ќе го клонираме, а потоа Ед Ширан може да ни се придружува на Октоберфест секоја година – се пошегува портпаролот на големиот совет Уве Форстман.
Британскиот пејач по концертот со својата придружба отишол на Октоберфест. Ширан таму настапил спонтано на сцената облечен во традиционални панталони „lederhosen“ и го испеал својот голем хит „Perfect“.
View this post on Instagram
View this post on Instagram
