Викендов Ким Кардашијан решила да отпатува со своето момче Пит Дејвидсон во Порт Даглас, Австралија, каде што Пит го снима својот нов филм „Волшебници“. Свратиле во италијански ресторан во Кернс, Квинсленд, а келнерот кој ги послужил на својот инстаграм-профил се пофалил дека ги служел познатите гости.
Ја фотографирал нивната не баш мала сметка, а количините храна биле огромни. Ким му оставила и прилично голем бакшиш.
– Денеска на работа зедов нарачка од Ким К. Благодарам за големиот бакшиш, Ким Кардашијан – напиша тој покрај фотографијата на која е пред ресторанот Piccolo Cucina, во кој работи.
Келнерот потоа ја сподели сметката од вкупно 576 австралиски долари, односно околу 400 евра.
– Само што завршив со работа и гледам дека очигледно имам огромен број обожаватели на Ким. Еве ја нејзината сметка – објави подоцна келнерот. Тој се пошегува и за тоа колку е добра нејзината диета.
На сметката се гледа дека јаделе четири салати Капрезе, три салати од рукола, две пици Маргарита, една со четири видови сирење, лигњи, две јадења со риба, фетучини карбонара, њоки со сирење, лазањи, телешко скалопини, а имало и пица со Нутела.
Како што пренесоа странските медиуми, Ким пристигнала таму во саботата, а престојувала во луксузниот хотел Sheraton Mirage во Порт Даглас, кој се наоѓа на околу еден час од Кернс, каде што се наоѓа ресторанот. Во Австралија пристигнала со приватен авион, а до ресторанот стигнала со автомобил.
View this post on Instagram
