Пејачката Јелена Карлеуша ќе пее во рамки на новогодишната програма во Врњачка Бања за 1,4 милиони динари (околу 735.000 денари/12.000 евра).
Карлеуша нема да пее на самата новогодишна ноќ, туку на 2 јануари. Нејзиниот концерт ќе се одржи на Плоштадот на културата со почеток во 22 часот.
Настапот ќе чини точно 1.416.666 динари без ДДВ, односно 1,7 милиони динари со ДДВ, пишува Нова економија.
– Музичко-сценска претстава во траење од 95 минути, во која Јелена Карлеуша настапува со својата танцова група, заедно со комплетна кореографија, што претставува сценски спектакл, соодветно би ја одбележала новогодишната програма во Врњачка Бања, и на тој начин Врњачка Бања се промовира и како туристичка дестинација – се наведува во образложението на одлуката.
