Кајли Миног е во потрага по батлер којшто ќе ја следи на нејзините патувања во Велика Британија, Мелбурн и Лас Вегас.
Кандидатот мора да поседува сомелиерски вештини, а Кајли нуди одлични услови и астрономска плата.
Австралиска поп-икона не сака повеќе работата надвор од сцена да ја презема сама, па одлучила да ангажира батлер којшто ќе го плаќа 55.000 фунти, односно 64.000 евра годишно.
За да го добие тоа што навистина ѝ треба, Кајли ангажирала агенција која треба да го пронајде идеалниот кандидат.
„Кандидатот ќе мора да патува со Кајли која живее во Мелбурн, но често е во Велика Британија. Таа исто така ќе поминува многу време во САД затоа што повремено ќе живее во Лас Вегас“, изјавил извор близок до пејачката, пренесува британски „Mirror“.
Уште еден услов за потенцијалниот батлер е тоа што тој мора да биде сомелиер, па славната пејачка се надева дека ќе успее ситуацијата да ја доведе во своја корист, со оглед на тоа што „во последно време многу добри работи се поклопиле во исто време“, како што самата таа изјавила за магазинот „Rolling Stone“.
