Вечерва во малата сала на Македонската филхармонија ќе се одржи концерт на маестро Мухамед Ибрахими.
Мухамед Ибрахими е композитор и мултиинструменталист на жичани инструменти од Скопје. Неговиот деби албум „Fly” излезе во јануари 2014.
Тој својата гитара (мандолина, саз итн.) ја третира на многу неконвенционален начин, доста интуитивен и инспиративен. Неговите композиции се автентична мешавина на повеќе музички стилови, како блуз, рок или амбиентален, но длабоко вкоренети во ориенталната (суфи) традиција и албанскиот (балканскиот) фолклор. Овие храбри и елегантни комбинации честопати даваат неочекувани резултати среде уникатен и прекрасен звучен пејзаж. Исклучително импресивно за гледање/слушање во живо.
На концертот заедно со Мухамед ќе настапат и Ратко Даутовски, Фјола Исмаили, Џоле Максимовски и Никола Стојмановиќ.
Билетите изнесуваат 700 денари. Истите можат да се набават на билетарница во Македонска филхармонија и онлајн преку bileti.mk
