„Фолтин“ повторно во Јавна соба. Организаторите ветуваат одлична вечер исполнета со многу пеење и танцување, со почеток од 21:30 часот.
View this post on Instagram
„Фолтин“ е еден од нашите најпознати бендови, кој постои од 1997 година. Групата учествувала на многу музички и театарски фестивали во Македонија, Хрватска, Италија, Австрија, Словенија, Србија, Босна и Херцеговина, Албанија, Бугарија, Франција, Унгарија, и повеќепати биле наградени за нивната работа. Музиката на „Фолтин“ обично се опишува како надреална, страсна и жива, со жешка танцувачка атмосфера, која ја постигнуваат со брзите ритми.
Иако групата користи стандардни музички елементи, пристапот во градењето на атмосферата е непредвидлив и оригинален. Музичкиот јазик на „Фолтин“ е имагинарна смеса или фонетска имитација на јазици, како што се: шпански, француски, португалски, романски, таканаречен „спонтан есперанто“ итн. „Фолтин“ себеси се опишуваат како псевдоемигрантско кабаре, и често нивните концерти се претвораат во вистински перформанси. Но, тоа не е воопшто чудно имајќи го предвид фактот дека членовите на групата работеле на музика за театарски претстави.
Билетите по цена од 300 денари се достапни на барот во Јавна Соба.
View this post on Instagram
