Јелена Радановиќ јавно се пофали со скапиот подарок од нејзиниот сопруг на Инстаграм. Се работи за огрлица со потпис „Cartier“, од злато и дијаманти, поради што нејзината вредност е околу 40.000 евра!
Изгледа дека нејзиниот сопруг, пејачот Слоба Радановиќ, навистина „го одврзал ќесето“ и решил да ја израдува својата сопруга со вреден накит кој останува за цел живот.
„Фала ти“ – напиша Јелена на објавата, заедно со песната насловена „Време на божиќно дарување“.
Ова не е прв пат Слоба да ја дарува Јелена со скапи подароци, а честопати се работи токму за накит.
Слоба депортиран од Гетеборг
Пејачот пред две ноќи стигнал дома во Белград, по тоа што со колешката Барбара Бобак и нивните бендови поминале 32 часа на аеродромот во Гетеборг.
Тие престојувале во посебен простор, без добра храна и основни услови за престој цели 32 часа.
Требале да одржат концерт во Гетеборг, ги имале сите потребни дозволи, но сепак биле задржани на пасошката контрола.
