Трагедијата што се случи вчера во Белград, во која момче уби девет лица на училиште, меѓу кои осум деца, ја остави јавноста во шок. По тој повод се огласи и Јелена Карлеуша која испрати навистина потресна порака.
– Црн ден за Србија. Невидена трагедија. Наши деца страдаа. Од рака на дете. Детето уби осум деца а има и такви кои се борат за живот.
Детето го зело пиштолот од татка си и со список за отстрел тргнало во основното училиште. Детето не промаши. Детето убивало мирно и ладнокрвно. Детето било одличен ученик и од добро семејство. Детето не покажа милост.
Нека биде ова предупредување во каков свет живееме и како ова лудо време влијае на нашите слабости. Насилството со кое се бомбардираат децата од сите медиуми, од сите животни структури го зеде данокот.
Ова е предупредување за сите нас. Сочувство до семејствата на децата кои ги загубија животите, нека Универзумот им даде сила во оваа трагедија… и ако постои некаква правда, сите деца кои во овој момент се борат за живот нека преживеат како и нивната наставничка – напиша Карлеуша.
