Измамници убедиле две жени дека се во врска со Бред Пит и им украле над 300.000 евра
Шпанската полиција соопшти дека уапсила пет лица за измама на две жени. Осомничените се претставувале како холивудскиот актер Бред Пит преку Интернет и со пораки на апликацијата WhatsApp зеле 325.000 евра.
Групата остварила контакт со жените на веб-страница посветена на обожавателите на холивудскиот актер, а потоа ги убедила дека имаат „сентиментална врска со него“.
Потоа, на жртвите им предложиле да инвестираат во различни проекти кои не постојат.
Една од жените, која поткнува од Андалузија, измамена е за 175 илјади евра, додека другата од Браскија останала без 150 илјади евра.
„Сајберкриминалци ги проучиле социјалните мрежи на жртвите и изградиле нивни психолошки профили. Откриле дека станува збор за ранливи личности на кои им недостига внимание и кои патат од депресија. Исто така, користеле платформа за размена на пораки и имејлови се додека тие не повереувале дека разговараат со Пит. Измамниците им ветиле романтична врска и заедничка иднина со Пит“, се наведува во соопштение на полицијата.
Five people accused of swindling two women out of over $350,000 by posing as Brad Pitt online were arrested in Spain. The authorities called it a complex scheme that it attributed to a “criminal organization.” https://t.co/vusOImtEXo
— The New York Times (@nytimes) September 25, 2024
Пет лица се уапсени во Андалузија за време на рацијата во пет куќи, земени им се мобилните телефони, банкарските картички и два компјутера, како и „дневникот“ за измами кои го користеле.
Полицијата нашла 85 илјади евра од износот кој со измама бил земен од жените.
