Објавен е првиот тизер за серијата „Господар на прстените“. Трае две и пол минути, а судејќи по реакциите под видеото на Јутјуб – сцените на многумина им го одземаат здивот.
Тизерот дава подлабо поглед по почетниот трејлер емитуван за време на Super Bowl и вториот краток тизер кој беше ексклузивен за претплатниците на Prime кога беше објавен минатата недела. Amazon го опишува овој клип како „главен тизер“, па се очекуваат уште неколку трејлери пред премиерата на серијата.
Телевизиската верзија „Господар на прстените“ треба да излезе во септември 2022 година, објави Амазон претходно овој месец. Се очекува дека серијата ќе трае пет сезони, што ќе ја направи една од најскапите ТВ серии во историјата.
Првата сезона ќе биде достапна во 240 земји, а епизодите ќе излегуваат еднаш неделно. Дејството ќе се одвива илјадници години пред настаните за кои писателот Толкин напиша во своите книги „Хобит“ и „Господар на прстените“.
Многу странски медиуми пишуваа дека ова ќе биде најскапата серија во историјата на телевизијата. Би-би-си пренесува дека за секоја епизода од серијата биле потрошени 43 милиони фунти.
Во актерската екипа се Роберт Арамајо, Назанин Бониади, Морфид Кларк, Исмаел Круз Кордова, Ема Хорват и други.
