Познатиот естраден фризер Матија Радуловиќ почина на 43 години на Бадник, а неговиот татко, Раде, во емотивна исповед за „Блиц“ ги откри деталите за последните денови на синот. Раде на Инстаграм објави дека го продава инвентарот од фризерска работилница на Марија и откри како изгледале неговите последни денови, како и дали е вистина дека одбивал лекарска помош.
На почетокот, тој истакна колку му е тешко што неколку дена по смртта на Матија мора да го продава неговиот имот:
– Скоро сè распродадов… Имаше и коси од Русија што ги нарачуваше… Сè по половина цена. Многу ми е тешко, тоа само јас го знам, но морам и да брзам малку, да ги завршам 40-те дена, деновите брзо минуваат… Многу има и облека, јакни, кошули, 20-30 пара патики… Не знам што да правам со сè тоа – раскажува Раде со кнедла во грлото.
Тој додава дека бил шокиран кога го видел Матија во станот во Белград, дека не бил информиран за неговото здравје и дека Матија видливо ослабел и не бил повеќе истата личност.
– Најмногу ми е жал што сите криеја од мене. Дојдов на Божик, три дена пред да умре. Таму имаше некоја жена што помагаше, чистеше, му подготвуваше храна. Ја повикав, прашав како е, рече: „Тука е Матија, добро е, одмара…“ Кога влегов и го видов, само што ја отворија вратата, паднав. Беше скелет, немаше ни 30 килограми… На 6 јануари повикав роднина, реков дојди брзо, Матија не е добро… Дојде Итната помош, до болницата умре – потресно раскажува таткото.
– Го видов како тешко дише. Последниот ден веќе не беше свесен. Бевме во дневната, го прашувам, зборуваме, нешто разбрав, нешто не… Стана, ме фати за рака и рече: „Тато, однеси ме во соба“. Го однесов во соба, зазеде поза која му беше удобна и видов дека е крајот. Тешко дишеше, не зборуваше, почна да зборува сам со себе и веќе беше полумртов човек.
На прашањето што му кажал последно, Раде одговара:
– Не ми кажа ништо. Го прашав „Што ми криеш?“, а тој рече „Ќе ти кажам“… и никогаш не кажа. Не стигна, а и не сакаше. Газдата на станот ми рече дека многу ме сакал, се грижел само за мене.
Таткото потврдува дека Матија одбивал лекарска помош:
– Итната дошла неколку пати, а тој ги враќал. Да беше кога јас дојдов, можеби ќе беше жив, би се крпел на апарати, но тоа веќе беше готово… – раскажува Раде.
Во последните моменти, Матија повеќе не можел да ги трпи болките:
– Не можеше да јаде, само пиел течности. Последните два дена, го подигав, ама не можеше ни да пие. Гладен и жеден си замина… Тоа е мачно. Таа ноќ го слушнав, го прашав: „Што ти е, те боли нешто?“, а тој рече: „Нема ништо, тато“. Реков: „Па зошто врескаш ако не боли ништо?“… Тоа е хаос, мајко моја – заврши таткото со кнедла во грлото.
