Во 2022 година има 2.668 милијардери, а најмладиот има само 19 години. Меѓу новите милијардери се и Ријана и режисерот на Господарот на прстените.
Илон Маск е најбогатиот човек на светот. Така е според актуелното рангирање на „Форбс“. Сопственикот на Тесла, Маск, тежи 219 милијарди долари. На второ место е основачот на Амазон Џеф Безос со 171 милијарда, додека на третата позиција – трета година по ред – со 158 милијарди е Бернард Арно, сопственик на групацијата LVMH која вклучува повеќе модни брендови, меѓу кои Луј Витон и Кристијан Диор , но и брендови на накит и издаваштво.
На висока позиција се најдоа и Ријана и Питер Џексон, режисерот на „Господарот на прстените“.
Најмладиот милијардер во светот е Кевин Дејвид Леман (19), наследник на германски фармацевтски синџир, а зад него е исто така младиот Гери Ванг (28) од берзата за криптовалути FTX со седиште на Бахамите.
Единствениот милениумец во топ 20 е Марк Цукерберг, креаторот на Фејсбук и актуелен извршен директор на Meta Platforms, компанијата која ги контролира Facebook, Instagram и WhatsApp.
