Еуфоријата околу младиот музички феномен не запира! По низа рекордно распродадени концерти, Јаков Јозиновиќ најави уште еден, петти по ред, настап во белградскиот Сава центар.
Секој нов објавен датум бил проследен со истата сцена: редици фанови пред билетарниците и распродадени влезници за само дваесет минути. Ден по ден, обожавателите трчаат да си го обезбедат своето место, потврдувајќи дека Јозиновиќ е најбараниот млад изведувач на регионалната сцена.
Младиот пејач веќе работи на нови песни кои премиерно ќе ги изведе токму пред белградската публика, што ги прави следните концерти уште поексклузивни и посакувани.
Од Сава центар стигна и официјална потврда: поради огромниот интерес, објавен е и петти датум – 17 април 2026 година, кога Јаков Јозиновиќ повторно ќе се искачи на сцената на Плавата сала.
