Поранешната тенисерка Ана Ивановиќ денес го прославува својот 38. роденден, а по тој повод им се обрати на своите следбеници преку Инстаграм.
Ивановиќ сподели една стара фотографија од детството, придружена со емотивна порака.
„Ви благодарам многу за сите пораки и роденденски желби. Сѐ уште се трудам ова девојче да биде гордо секој ден“, напиша Ана под објавата.
По повод роденденот ѝ честиташе и нејзината кума, пливачката Минја Најдановски, која на својот профил објави заедничка фотографија со пораката: „Среќен роденден, кумо моја. Твојата насмевка е твој потпис.“
Освен спортските успеси, Ана е позната и по својот бизнис-дух. Таа во 2015 година инвестирала значителна сума пари во приватен бизнис во Крчедин. Локалните жители потврдија дека станува збор за овоштарник со огромна плантажа со јаболка.
„Да, тоа е точно. Кога ќе минете покрај патот, на десната страна ќе ги видите јаболките – нема им крај. Тоа е нивното. Тука е нејзиниот татко, а Ана ги вложи парите во тој бизнис,“ изјавил еден од соседите, додавајќи дека имотот се води на името на нејзиниот татко.
